[香港有素食] 灣仔/中環

一開業已取得米芝蓮推介的越式小店，最近在中環開新分店，越式法包有炒雜菌和滷水豆腐兩個選擇，配料有豆腐蘑菇醬、素肉鬆、蛋黃醬、酸菜、青瓜、芫荽和蔥 (Vegan可以走蛋黃醬)。午市繁忙時間要排一陣隊，不過出餐速度頗快，外賣為主，現場只有兩張小型立食檯。

【電子攻略/讀者優惠/其他平台：https://linktr.ee/misskitb】

+++++

這間越南法包由灣仔開到中環，去開中環就順路去試下。留意返中環呢幾條巷有差不多名的法包店，要睇清楚唔好去錯第二間。

午市非常熱鬧，原來係人龍店。不過佢出餐好快。所以都唔需要等太耐。

原來仲有早餐食，牛油果炒蛋越式法包我未食過，有機會再試下。素食選擇有滷水豆腐和炒雜菌兩款，如果想試晒兩樣，可以叫品味豆腐再加料炒雜菌。另外留意返有沙律醬，如果純素記得走一下。

落完單可以睇店員夾麵包，滷水豆腐佢另外有煲滷住，不在前面這些配料內。

品味豆腐 HK$72

摸上手溫熱的法包，簡單用紙袋裝，拎住食都方便。

整體來說幾好食，不過我覺得個法包就另一間店內新鮮出爐嘅比較好食，滷水豆腐份量唔算多，倒是醃蘿蔔就勁多，口味偏酸和重芫荽味，視乎個人口味留意返。

+++++

餐廳資料

Banh Mi Nem

地址：灣仔皇后大道東247-249號地舖 / 中環昭隆街3號地舖

+++++