[香港有素食] 北角 | 糕點時光

這個協助金齡婦女就業的社企，主打傳統港式糕點，北角旗艦店更提供主食，而且有幾款素食選擇。主食養生豆腐菇菌紅米飯、天貝刈包和小食醬煮鮮菌天貝，滿滿蛋白質，醬汁亦夠惹味。港式甜品亦以純素為主，新推出米麻糬港式糖水，用茶餐廳奶茶上，超拉絲打卡一流。

+++++

【電子攻略/讀者優惠/其他平台：https://linktr.ee/misskitb】

+++++

北角區真係好多素食，北角地鐵站B1出口，隔一條街就到，即係上善素餐廳和甘薯葉那條街。

裝修都加入不少傳統港式元素，氣氛唔錯，不過座位就唔多，而且偏窄。

主食有一個豆腐菇飯是素食。

天貝刈包是近期新推出的，這天剛好賣完吃不到。

蝶豆花柚子梳打 HK$48 / 夏日爽甜鳳梨烏龍梳打 HK$45

飲品都幾有心思，兩杯都好飲，並且走唔會太甜的路線。

醬煮鮮菌天貝 HK$58

這個是小食，只有三片薄切天貝，下面勁多菇和木耳，個汁都幾好食，健康之選。

養生豆腐菇菌紅米飯 HK$82

主食仲附送涼拌青瓜木耳和砵仔糕，飯亦比想像中大碗，一定食得飽。豆腐和菇的份量亦算很多，紅米飯特別在唔係溝埋一齊，而係放一小堆在白飯面，而且我覺得似甜品做法食落甜甜地。所有配料撈埋個汁好開胃，我覺得幾好食嘅。

港式糖水x煙韌拉絲米麻糬 HK$68

新推出的米麻糬甜品，麻糬控會很開心。三個之中我覺得特濃開心果真係有特濃，我最滿意。不過芝麻糖的濃稠度就比較不理想，吃起來有點怪。芋頭椰汁紫米水準不錯，而且好多粒芋頭。米麻糬基本上拉完絲影相之後，一邊吃一邊已經溶在糖水裡。

這家的甜品真的走完全不甜路線，我覺得部分OK，有部分太唔甜就唔夠味。

+++++

餐廳資料

糕點時光

地址：北角錦屏街26號幸福大樓地下D1號舖

營業時間：11:30 - 18:30

+++++