[香港有素食] 深水埗 | 滋潤棧

抓住冬天的尾巴，襯仲涼涼地去食煲仔飯！深水埗呢間街坊住家菜小店，每日精選飯餐都有一款素食(可上FB看餐牌)，另外仲有素食湯飯和煲仔飯。煲仔飯即叫即煮要等25分鐘，可以預先打電話落單，再校啱時間去嘆。例湯亦每日有一款素，大大碗唔油膩，食煲仔飯仲有糖水送㗎。

+++++

+++++

深水埗元洲街食肆臨立，好多人來這邊找好吃的，素食者也有好幾個選擇。

黃色店面好搶眼，入面就係街坊小店裝修，不華麗不花巧，可能舊舊地不過整體上尚算乾淨衛生。

每日套餐都會有一款素食，都係豆製品和蔬菜為主，不太會用素肉，買回家加菜亦可。來吃的都以街坊為主，老闆娘似眾人媽媽照顧單身漢日常飲食。

素食煲仔飯款式好多！落單即煲要等25分鐘先有得食，可以預先打電話去落單。

另外也有素食湯飯，總之多野食。

素例湯非常大碗，這天喝滋潤木瓜雪耳，不是糖水是湯水啊！

金針雲耳蒸雞 HK$78

超級足料煲仔飯！佢唔係用素雞而係猴頭菇，猴頭菇愛好者表示高興。另外還有冬菇、金針雲耳以至紅棗等等，味道出色。

煲仔飯熱辣辣上檯，淋上豉油先焗一焗再食，成功獲得大量飯焦，滿意。

食完還有糖水送，芋頭西米露也很好吃。

++++

餐廳資料

滋潤棧

地址：深水埗元洲街10號慶成大廈地下

電話：23879861

營業時間：11:00 - 23:00

+++++

相關文章