[香港有素食] 土瓜灣 | All about NUTS

這間堅果主題小店，由石硤尾搬到土瓜灣，除了各種買即磨堅果醬，終於都可以坐低堂食，餐牌上面仲有好多素食選擇。正餐可以揀咖哩飯或者堅果醬意粉，下午茶必食純素窩夫或者堅果醬西多士，堅果糊同堅果飲品都好正，快啲tag堅果控朋友一齊去食。

+++++

+++++

這間小店之前在石硤尾沒有堂食，買窩夫都要去公園仔野餐，終於搬左新鋪可以坐低正經食。

裝修文青風，深色系都幾靚。店內座位不多，大概坐到十幾個人，平日就唔太需要等位嘅。

這家出名的其實係無添加100%即磨堅果醬，可以自備容器購買，每日會磨唔同堅果，可以上店家IG睇返。現場亦可以試食堅果醬。

除左賣醬，也將堅果醬用在餐點之中，主食有各種意粉，甜食就有西多士和純素窩夫，鍾意食堅果的話全部望落都想食。

腰果核桃醬雜菌意粉配燒烤菇 HK$68

香氣十足的意粉，啖啖堅果香，重點係條條意粉都沾到堅果醬，唔會覺得乾身。

開心腰果糊

是日甜品點好係我想食的開心果糊，所以加錢就食到平左少少，凍凍地的糖水，堅果香為主唔會甜，質地適中唔會太濃。

+++++

餐廳資料

All about NUTS

地址：土瓜灣美善同道1號美嘉大廈地下10號

電話：98425335

營業時間： 12:00–20:00 (星期二、三休息)

+++++

相關文章