[邊度有素食] 尖沙咀 | 半島酒店

聖誕節諗好去邊慶祝未？想食港女下午茶打個靚卡，素食者都有選擇㗎！這個酒店下午茶可以預訂素食版，同行一個食素一個食肉都得，方便你約朋友。素食版主要有四個鹹點唔同，四個都好有驚喜好好食，甜品亦精緻可愛，非常有節日氣氛！

今年半島酒店再度跟Chanel合作，來吃下午茶順便可以影好多相。

今次不是在酒店大堂吃下午茶，我們上一樓的半島節日列車，整個空間佈置得像真正的歐洲火車車廂，仲在螢幕不斷播放各地景色，環境充滿節日氣氛。

願望之樹下午茶跟願望成真基金合作，一邊食一邊做善事。如果想食蛋奶素/純素/走五辛等各種特殊版本，可以早一天預訂，酒店可以特別安排。素食版也可以只訂一份，跟吃肉的朋友一起來也沒問題，擺盤也可以選擇放同一個架或分開上。

第一層是節日甜品，四款就無特別分素食非素食，我都無深究有無魚膠粉了。鹿鹿是香料朱古力慕絲、鹿車是零陵香豆芝士蛋糕、雪山是黑加侖子栗子蛋糕、桔子是柑橘熱情果醬朱古力醬。

三款鹹食有炸米紙牛油果醬、印度香料南瓜芝士和紅菜頭撻，這幾款配搭都好有心思，味道有層次有驚喜，並非求其切啲菜咁簡單，紅菜頭撻入面的粉紅色醬是鷹咀豆泥，亦無用甚素肉，我食得好滿意。

青瓜三文治做成禮物盒的形狀，好看又好吃，不是只有麵包夾青瓜咁簡單。

另外還有一小件生菜包，上面有茄子、櫛瓜、菇菇，咬落去發現中間好多焦糖洋蔥，咁樣細細一件就五六種蔬菜，去一般素食餐廳都食唔到啦。

另外當然還有英式鬆餅，還有節日朱古力和星星薑餅，邊吃邊喝我揀的香料茶，過了一個愉快的下午。吃完還拍了很多打卡照片，非常滿意。

餐廳資料

半島酒店 The Peninsula Hong Kong

地址：尖沙咀梳士巴利道

電話：29202888

官網：https://www.peninsula.com/

FB：https://www.facebook.com/ThePeninsulaHongKong/

IG： https://www.instagram.com/peninsulahongkong/