[香港有素食] 中環 | WATERMARK

你知唔知中環碼頭上面有間海景餐廳，仲飄浮響水面小輪靠岸會搖😆 最正係餐廳推出素食菜單，西式多國混合料理，可以食到黃菜頭、意大利櫛瓜花和耶路撒冷亞枝竹等偏門食材，配搭有特色，水準極高，而且價錢唔算貴，CP值非常高。

+++++

【電子攻略/讀者優惠/其他平台：https://linktr.ee/misskitb】

+++++

中環7號碼頭上面，沿天橋一路行到盡頭就係餐廳。

原來入面咁大咁靚！碼頭結構餐廳係浮在海面上，有小輪泊岸撞到，就會感覺到飄下飄下。

近日推出素食tasting menu，兩位就可以預訂，菜式都幾有心思。

酸種麵包

菜單係配橄欖油和hummus，圖中則係肉食tasting menu的海藻牛油，食落好香紫菜味，配合海景主題，我幾鍾意。

酸漬紅菜頭

紅菜頭用八珍甜醋醃漬去除泥味，黃色的是黃菜頭，用白醋醃。黃色菜頭食落比較甜似水果。

脆炸意大利櫛瓜花

細細條的櫛瓜花裹炸漿炸脆，配大量芝士、辣醬和松露蜜糖，勁香口好味！無食薯條咁邪惡，鹹甜鹹甜好滋味。

舞茸野菌湯

餐廳注重儀式感，湯要自己倒方便拍片。湯碗中間擺了舞茸和蟲草花，野菌湯則只有白菌、啡菇和洋蔥，菇味濃厚。

椰菜花

椰菜花扒其實唔係咁容易整得好食，這個配搭非常出色。椰菜花本身用慢煮方式煮熟，再兩面煎香上碟。上面係脆脆羽衣甘藍，下面竟然係開心果醬，再配加侖子汁，味道多層次又不會搶各自風頭。

耶路撒冷亞枝竹

耶路撒冷亞枝竹原來唔係亞枝竹，這個比較似薯仔，應該係根莖類蔬菜的一種，我覺得好食過亞枝竹。下面似飯的不是飯，係南瓜煮洋意米，彈牙好咬口。

蜜桃雪葩

甜品最平淡，就係好多水果配日本蜜桃雪葩，味道清香。

想在海景第一排吃素，這個套餐CP值幾高，好食又可以打卡，可以約朋友去試試。

+++++

餐廳資料

WATERMARK

地址：中環7號碼頭L號舖

電話：21677251

營業時間：12:00 - 22:00

+++++