[香港有素食] 中環 | Servo

中環新開業澳式咖啡店，打開餐牌發現很多素食選擇，而且有標明素食/純素/含堅果/無麩質，非常清晰。早餐基本上全是素食，叫左番薯斑戟，食落似番薯煎餅煙煙韌韌，配個雜莓醬和腰果醬都好食。咖啡可以轉植物奶，甜點亦有純素曲奇可以食。

+++++

+++++

去完幾日旅行返香港，最想試這間澳洲style咖啡店，中環地鐵站出來行上一條街就到，交通都幾方便。

早餐時段同午餐時段中間，所以我行入去的時候無人，之後就開始坐左幾檯。店內座位唔算好多，氣氛都chill嘅。

咖啡價錢唔算貴，另外有素食餅乾點心。

早餐七款有六款都係素食，當中有蛋奶素有純素，可以睇返標示。午餐亦有素三文治和意粉，望落都幾吸引。

番薯班戟配雜莓醬英式腰果蛋奶醬楓糖漿 HK$88

最想試這個純素班戟，因為即刻煎都等左一陣，賣相精美，望落好好食。

不要期望這個番薯班戟跟一般麵粉班戟口感一樣，我覺得佢好似用糯米粉做那種中式番薯煎餅，軟糯煙韌。雜莓醬酸酸的不會覺得加了很多糖，英式腰果蛋奶醬同個樣一樣好好食，兩個醬塗滿班戟食就一流。

餐牌上還有其他我想試，有機會經過可以再食。

+++++

餐廳資料

Servo

地址：中環安蘭街17-19號地舖

營業時間：07:30–21:30(星期日休息)

+++++

相關文章