.png)
這間純素椰子甜品專門店最近搬到銅鑼灣，地點超方便仲有位可以坐，無論想飲椰子奶昔/椰子咖啡，或者食純素雪糕、布甸等甜品，都可以一站式擁有。行街行到累咪拉朋友入去抖抖囉～
SOCOCO 銅鑼灣新店在 Time Square 隔離，同素食餐廳 TREEHOUSE 同一條街，只係隔幾個鋪位，兩間一次過食好方便。
一入門口就見到純素雪糕櫃，亦有招牌椰子布甸可以買到。
店內設有簡單座位，方便坐低飲杯野食個甜品。外面亦有室外座位，方便要呼吸的人。
以椰子奶作基底的純素雪糕，口味都幾多元化，看起來很吸引！
飲品有冰沙、椰子奶和咖啡類，亦可試成碗的椰子甜品，夠豐富也有賣相。
芒果有機椰子奶 HK$45
驚椰子沙冰太凍的話，揀椰子奶就對了。使用有機椰子奶配新鮮水果，杯杯都真材實料，入面仲好多椰子肉可以咬，比飲廢水健康100倍，口痕想飲杯凍野是個好選擇。
純素手工雪糕 HK$65/雙球
冬天夏天都要吃雪糕，路過銅鑼灣入去食一兩球就對了。這次選了泰式奶茶和開心果味，雖然沒奶沒忌廉，但雪糕口感都幾幼滑，不過就頗重椰子味，喜不喜歡就視乎你鍾唔鍾意椰子啦。
Signature Bowl HK$75
這個是椰子版的台式燒仙草，主菜可以揀椰子布甸或雪糕，下面有仙草和新鮮椰子肉，再可以揀紅豆/芋蓉/黑糖珍珠，一碗賣相靚又豐富，夾埋一齊食都幾有趣㗎。
留意返店內都係食凍野為主，食完會覺得冷氣有點凍，夏天Chill一chill確係唔錯。
SOCOCO
地址：銅鑼灣霎東街9A號
電話：69991422
營業時間：11:00–22:00
