【素食新地標】2026年第一季！九龍區4間新素食餐廳你去咗未？

新年新氣象，素食界都唔甘落後！踏入2026年，九龍區接連有新素食餐廳開業，由旺角到油麻地，再到南昌，無論你係長期素食者定係想試下「一日素」，呢波新店絕對值得你排入願望清單！

旺角雙子星登場

旺角今季增添兩員大將！十三妹走港風可愛路線，主打精緻純素定食，適合約朋友聚餐飲咖啡食素。北河敬一素食則亦重新開業，主打川菜私房素食，午市亦有點心供應。兩間喺旺角落腳，交通方便，食完仲可以行街睇嘢，一流！

油麻地廟街素食新選擇

廟街夜市向來充滿人情味，而瀛素食就係呢個舊區入面嘅再度登場。闊別多年，再度帶來港式日本菜素食，招牌菜包括素壽司同各式小菜，價錢平民，人均消費約$100至$200，性價比相當高。坐喺廟街旁邊食素，感受一下老香港氣息，係唔係幾有feel？

南昌菜籽素食工房：社區素食新力軍

位於南昌嘅菜籽素食工房係今季最值得留意嘅新店之一。「菜籽」是素食工房旗下比較精緻的系列，主打健康家常素食，走簡約清新路線，價錢亦相對親民，適合追求養生飲食嘅你。南昌站附近居民係時候有個新去處喇！

香港素食者有福了

逆市仍有素食餐廳開業，實在非常有勇氣。無論係出於健康、環保定係宗教原因食素，選擇多咗都令人高興！

VGC 大力推薦你逐間打卡！ 去完記得tag我哋 @veggirlclub，分享你嘅素食體驗，俾更多人知道食素可以咁好味.。仲未follow我哋？即刻follow，第一時間掌握最新素食資訊！