[香港素食餐廳] 觀塘 | 五福素

觀塘巧明工廠大廈地方新裝修做美食區，場內陸續有餐廳進駐，其中一間竟然做素食，吃的是純素車仔米線，四款濃味湯底，十多種素料蔬菜任配搭，價錢算平味道亦唔錯，觀塘上班的朋友要save低了。

觀塘巧明工廠大廈都算近地鐵站，原本新裝修做美食區，目前場內只有幾間食店，其他鋪位未租出晒。

店內裝修簡約清新，座位唔會好逼，坐得都舒服。

主打純素湯米線，有四款湯底十幾款配料，除了米線亦可以吃土豆粉。店內也有飯餐，選項寫在門口的板子上。

三餸米線HK$58

配菜都以素料為主，店員有特別介紹太陽蛋不是真雞蛋，我揀了鮮蕃茄湯底，太陽蛋、有機香豆乾和黑椒丸。米線本身有附生菜、芽菜和花生，看起來很豐富。鮮蕃茄湯底入面真係有蕃茄真材實料，味道亦濃厚清新很不錯。有機香豆乾帶點煙燻味，整體都不錯。

純素太陽蛋應該就係 Loving Hut 出品，在家煮麵想吃也可以去網店買。我就第一次吃，口感就係煎到約略過熟的雞蛋，蛋黃有點粉粉的感覺，味道也真有時點熟蛋黃feel，效果都幾特別。

五福素

地址：觀塘巧明街99號巧明工廠大廈地下11室

電話：65868047

營業時間：11:00–21:00 (星期日休息)