[香港素食餐廳] 中環 | 福祿壽健康素食

中環商業區想平平地食個飯真係唔容易，所以記得SAVE低這間佛心價素食三餸飯，每日有十幾個菜式任揀，仲有老火湯飲。想食1至4個餸都可以，澱粉可以配白飯、紅飯、炒米粉或炒麵，味道唔算差對得住個價錢囉。

中環街市對面的一條橫巷之內，這天中午前來到，還未是繁忙時間，不過都已經有一堆人在買。入面有座位可以坐，不過買外賣的人很多。

外賣價HK$31-42，可以揀淨餸，亦可以揀要唔要湯。

每日有十幾道素菜可以揀，落單時講號碼就可以了。

四淨餸不配湯 HK$42 怡香茄子燴生根/豉汁炆涼瓜/椒鹽紫菜素鴨/欖菜薑茸炒油麥菜

這天買外賣回公司吃，路途有點遠，為免麻煩就沒要湯了。四個餸用沒有分格的發泡膠盒裝，有汁無汁都溝埋晒，基本上已經分唔開。蔬菜煮得偏軟爛，口感略油膩，不過呢個價錢在香港係食咁上下的食物，在中環上班要慳錢可以記低。

福祿壽健康素食

地址：中環鐵行里8號

電話：25439843

營業時間：07:30–15:00 (星期日休息)