[名古屋素食] 名古屋城 | Q.O.L. COFFEE

去到名古屋發現所有咖啡店早餐都是紅豆吐司，想吃好一點要花好多時間搜尋，我就找到名古屋城附近的文青咖啡店，有素食三文治，咖啡可以加錢轉植物奶，仲可以影到打卡相添！

咖啡店在久屋大通站和名古屋城站中間，如果住栄駅一帶，早上散步十數分鐘過去也不錯，藍色店面非常易認，對面還有壯觀銀杏樹可以拍照。

咖啡店一樓和二樓都有座位，自己先去櫃台點餐再找位子即可，店員可用簡單英文溝通，也有咖啡豆和咖啡相關用具精品買。

餐牌有英文睇得明，之前睇相以為全部係open toast，原來下面幾款係三文治。植物奶可以加錢轉，不過都幾貴，豆奶加120yen，燕麥奶加200yen，日幣5算都偏貴。

窗邊只有四個座位，運氣好就可以看風景吃早餐。餐點預備時間比想像中耐一點，原來麵包有精心烤焗過，可能要花一點時間吧。

蕃茄芝士蛋治 600yen / soy latte 720yen

這個配搭又幾有驚喜，芝士蛋加番茄醬好味道，仲有幾條菜感覺豐富。朋友吃的芝士火腿類似 grilled cheese，半溶芝士好吸引，而兩份三文治係用不同種類的麵包，細節也太用心了。

如果你會去名古屋，非常推薦這開自己烘豆的咖啡店。

餐廳資料

Q.O.L. COFFEE

地址：日本〒460-0002 Aichi, Nagoya, Naka Ward, Marunouchi, 3 Chome−5−1 マジマビル 1階2階

電話：+81527469134

營業時間：07:45–17:30 (星期一休息)

相關文章