藏身在舊式商場的街坊齋鋪,現場設有簡單座位,半自助形式自己裝湯裝飯,食完都要自己收碗碟。食物係傳統中式齋Style,三餸飯約有8個餸揀,主要都係不同口味的腐皮卷。紫菜卷和素雞脾都係自家製作,亦有雲吞蘿蔔糕等,很受長者歡迎。
地點在元州商場對面的一個舊式商場內,佔據幾個鋪位,比想像中大間。裝修就當然無咩花巧,螢光綠主色,自助形式用餐。
紫菜卷、腐皮卷、蘿蔔糕呢啲都係自家製作,有些街坊會買回家加餸。
各種湯麵、撈麵和齋飯都有得食。
逢初一十五先有的素雞脾,剛好見到阿姨在製作,基本上就係腐皮捲埋一卷啦。
三餸飯每位HK$40,有8個餸任揀,飲例湯就另外加HK$5。
可以食粥或飯,例湯都係自己裝,份量自己控制。
紫菜素鴨 / 南乳芝麻鴨 / 節瓜炆豆卜
唔小心揀左兩款口味的腐皮卷,想多吃不同蔬菜要留意下。兩個都真係唔同味道,不過南乳就偏鹹,節瓜份量幾多,主打一個獻汁撈飯。簡簡單單食完無口渴,應該就無落味精。
佛友源素食
地址:長沙灣元州街340號豐祥大廈8-10號舖
電話:23613463
營業時間:08:00–21:30(星期日休息)
댓글