[台北素食餐廳] 台北 | 鈺善閣 ‧ 素 ‧ 養生懷石

有無食過素懷石料理？這個品牌在台北和高雄都有分店，網上訂位好方便，靚境精緻有特色，店員服務一流，每道菜式都會作詳盡介紹。懷石套餐有三個不同價位，包捨八道菜式起，吃完一道再上第二道，要預夠時間去吃啊。

餐廳在捷運善導寺站附近，行過去只要一兩分鐘，地點非常方便。

用餐區要上一樓，裝修係高級禪風，間隔注重食客私隱。

來吃飯可以預先在網上訂位，素懷石有三個套餐，最平NT$1,598 +10%，埋單約港幣$427。

食飯之前有碗水洗手，充滿儀式感。

竹香賜煲

各種菇類和蔬菜燉到軟爛，味道濃郁，可以加添紅醋調味。

鮮蔬懷石

色彩繽紛的拼盤，黃色的是南瓜醬，配一片軟身的某種米片吃。旁邊是迷你蔬果，其中一個是蒟蒻魚生，成碟夾埋都幾得意既。

保皇芋香

黑色的是豆腐+竹炭粉做的炸波，中間還有芋頭夾心之類。下面橙黃色是紅蘿蔔汁，伴碟還有幾粒瓜和橙。

焗烤雙珍

用焗蝸牛的碟焗筍和草菇，因為有大量芝士拉絲，食起來蠻爽的。

烏滋梅露

中間有杯煙薰烏梅汁飲下，真係幾重煙薰味，不過一啖就飲完。

胡汁猴排

我最期待的猴頭菇扒，用新鮮猴頭菇製作，扒身好厚肉，配個黑椒汁幾惹味。配菜有花生豆腐、洛神花和醃蘿蔔，各種味道都齊。

食潤燉湯

燉湯用腰果、薏仁和野薑花，飲落清香，下面有很多薏仁可以咬。

水果甜點

最後吃水果，百香果(熱情果)、提子和水梨。杯糖水我就麻麻地，甜又唔係，唔甜又唔係，好尷尬的味道。

餐廳資料

鈺善閣 ‧ 素 ‧ 養生懷石

地址：100台灣台北市中正區北平東路14號

電話：+886-2-23945155

營業時間：11:30–14:00、17:30–21:00 (星期二、三休息)

相關文章