中醫直播 | 點處理腳腫和靜脈曲張?


如果你工作需要長時間企或坐,身體血液循環唔順暢,血液堆積在下肢,就有機會造成靜脈曲張。一開始小腿會出現好似蜘蛛絲般明顯血管,如果情況加重,血管會好似蚯蚓咁突起嚟,後期更有可能出現色素沉澱,好似黑左一撻咁,甚至潰瘍出血。


中醫認為靜脈曲張的根本原因有虛有實,虛的話可能是氣虛或血虛,身體唔夠能量推動血液通行;實的話可能是痰濕、肝鬱氣滯或寒凝血瘀,有實質病理產物堵塞血脈。所以處理之前要先搞清楚起病原因。


治療上以調整氣血,可以用中藥、針灸處理。情況比較嚴重可以試下放血,直接在靜脈血管用針刺放血,疏通瘀塞既血脈。不過這個方法只能治標,稍稍舒緩症狀,並唔能夠根治,要解決個問題要從體質入手,先能夠治本。


當然改變日常習慣都好重要,工作得耐要記得定時伸展一下,活動下雙腳,比如踏步或者屈伸下雙腳,促進血液循環。臨訓前將雙腳靠牆,上半身訓係床上或地上,可以促進下半身血液循環。


文:陳倩如中醫師 (承治堂中醫診所)

0 次查看0 則留言