.png)
想去南豐紗廠搵狗狗玩，順路可以吃這間純素法國菜！平日很少機會吃法式料理，所以每道菜都幾新奇，跟朋友各點一個三道菜午餐，沙律和甜品都可以試晒兩款。主食選了鹹批和釀蕃茄，賣相都很誘人，味道說偏正常啦。
一行入南豐紗廠就見到勁多狗狗，真係目不暇給，行入餐廳之前已經摸左幾隻。Yau Veggie Bistro 搬到荃灣之後第一次吃，餐廳走的就是法國風情，裝修帶點浪漫情懷，感覺優雅。
平日和周末都有供應法式午餐，可以吃到下午三點。跟朋友各點一個三道菜午餐，兩款沙律和純素甜品都可以吃到。
尼斯沙律 / 經典核桃沙律
跟餐附的是香桃冰茶，可以看到真實桃肉，但喝不太到桃味或甜味或茶味，加上現場冷氣頗凍又要飲冰茶，建議帶定外套。
兩款沙律都很多羅馬生菜，尼斯沙律配料較豐盛，有水煮蛋、素吞拿魚、車厘茄、薯仔和橄欖等；經典核桃沙律有醃洋蔥和核桃，醬汁偏酸幾開胃，有核桃吃吃也不錯。
洛林鹹批
批底香脆，中間的餡料容易散，一切基本上散曬，吃起來有香氣都算唔錯啦。伴碟的火箭菜dressing和粒粒黑胡椒幾好食。
普羅旺斯釀蕃茄
大蕃茄入面釀了些素腸，吃起來主要係素腸和少少香草味，幾得意咁啦。墊底的飯唔肯定係唔係用來吃，因為入口係蕃茄水的味道，令人非常不確定。
法式焦糖燉蛋
用植物奶和雲呢拿籽做的「燉蛋」，表層的倒是真焦糖，可以敲敲碎那一種。「燉蛋」本身植物奶味道頗重，口感算幼滑。
經典檸檬撻
餅底食落幾香幾好味，檸檬撻餡口感偏膠，可能落太多寒天粉之類，味道偏酸又未至於非常酸，上面的cream其實沒甚麼甜味，也是讓人不點不確定。
Yau Veggie Bistro
地址：荃灣白田壩街45號南豐紗廠1樓118號舖
電話：68990989
營業時間：12:00–22:00
Opmerkingen