[香港有素食] 深水埗 | Cruising Specialty Coffee

南昌站有咩好食？V Walk地下花園旁邊，一連兩間小店都有素食三文治，這天來咖啡店吃早餐。除了素全日早餐，還有兩款素食貝果三文治，套餐附咖啡飲品。店內座位不多，坐外面就要用即棄餐具啦。

V Walk 商場地下，地鐵南昌站一出就到，商場庭園旁邊有幾間小店，看起來很Chill的感覺。

室內座位不多，好似係三張二人檯，這天有一堆人坐在裡面傾偈。

這間咖啡店好似甜品比較出名，鹹食都以簡單輕食為主，唔係好熱好暖果啲。

主食都可以揀單點或套餐，四款貝果有兩款無肉，唔食貝果可以轉酸種包，另外可加錢加配料。套餐包一杯$35咖啡，基本上除了黑咖啡以外都要加幾蚊。