top of page
  • misskitb

冬天泡腳暖笠笠 簡易養生貼士! | 陳倩如中醫師 (承治堂中醫診所)


冬天想個人暖笠笠,除咗飲熱朱古力、打邊爐、著多件衫或者匿入被竇,仲可以試下浸腳!


雙腳可以話係人體第二個心臟,流到下肢既血液依賴小腿肌肉收縮,才可以對抗地心吸力,向上回流到心臟。如果血液循環唔好,身體久而久之會出現雙腿冰冷、肌肉痠痛、水腫,甚至係靜脈曲張同血栓。


浸腳可以話係最簡單既養生方法,只要有一盤熱水就可以。不過,如果想事半功倍,可以留意一下小貼士:


1.水溫唔係越高越好!水溫維持在40度左右最理想,太高的話有機會令皮膚搔癢,甚至燙傷。


2.水的高度應高過腳踝,至少在腳踝3寸以上,可以泡至三陰交穴,對婦女保健有良好作用。如果想放鬆小腿肌肉,水可以泡至膝蓋以下,蓋過足三里穴,能保健脾胃。


3.泡腳時血液集中在雙腿,身體各部分供血不均,血壓不穩定者容易頭暈。所以泡腳時間不宜過長,建議最多15分鐘,慢性病患者需特別注意。


4.想加強足浴功效,可以用溫經散寒的中藥材煮水後浸泡。以下推薦幾味中藥:生薑5片、艾草20克、當歸20克,用2升水煮滾後熄火,放涼後可用作足浴。



作者:陳倩如中醫師 (承治堂中醫診所)

編輯:Kitty Chan (Veg Girl Club)


加入Patreon付費會員支持素食推廣

1 次查看0 則留言
bottom of page