中醫小知識：西瓜消暑係唔係人人啱？ | 莫競芳醫師

炎熱的夏天又來啦，好多人鍾意食西瓜消暑，其實係咪人人啱食呢？

首先，西瓜肉性寒涼，有清暑、瀉火的功效，最適合暴曬後或者劇烈運動後用來補充水份，解暑斂汗。如果天氣熱容易生瘡，或者因為汗多而皮膚敏感的人，亦可以食西瓜來清熱解毒。

既然西瓜性寒，脾胃虛弱的人就唔啱食了，否則容易腹瀉，甚至水腫。另外，月經期的女性，進食過多西瓜容易造成子宮收縮，引起經痛。而感冒初期的患者，亦不適宜食西瓜呢類寒涼之物，以免閉門留寇，加重症狀。

除咗西瓜肉，西瓜皮亦可以祛暑清熱，古代名方「清絡飲」裡面就有西瓜皮，配合扁豆花、竹葉心、金銀花、荷葉、絲瓜皮，其實再加些瘦肉煲成湯，已是消暑佳品。

最後，坊間有紅肉西瓜、黃肉西瓜之分。黃肉西瓜含糖量低一些，而且富含胡蘿蔔素和葉黃素，有助於維持健康的視力、預防乾眼。而紅肉西瓜有更多茄紅素，有助降低膽固醇，預防心血管疾病。

作者：莫競芳醫師 (承治堂中醫診所)

編輯：Kitty Chan (Veg Girl Club)