【中醫直播精華8:打完疫苗月經週期亂左點算好? 】



我都有病人反映類似情況,她們打疫苗之後月經週期會亂左,或者經期時間變長變短。其實新冠肺炎在中醫來說屬於疫病,即是傳染病。而打疫苗就好似一次輕微感染,身體免疫系統會照樣作出反應,用中醫的理解是人體正氣抗邪的表現。 打完疫苗之後可能會有一連串副作用,如果這些副作用令你身體持續不適,或者影響到日常生活,建議你可以揾醫生咨詢一下或者搵中醫調理身體。 其實最近都多咗呢類型個案求診,大部份個案我都會優先以將體質調好為主,減少身體嘅不適。 如果係月經週期亂左,或者經期時間同平時唔一樣,就要留意呢個問題維持幾耐。正常身體有自我調節機制,如果其他方面無異常,一般1-2個週期之內就可以恢復正常。如果超過2個月經週期都係唔正常,就有可能係身體本身正氣不足,無辦法自我調整。當然啦,最好都要驗孕先排除懷孕可能再開始治療。由於每個人具體情況唔一樣,呢個情況我會建議你諮詢中醫師,睇下究竟係咩原因導致月經失調。 文:陳倩如中醫師 (承治堂中醫診所)

0 次查看0 則留言